තමන්ගේම උදරයේ තෙල් ඉවත් කර මුහුණට බද්ධ කළ ශ්‍රී ලාංකික විශේෂඥ ශල්‍ය වෛද්‍යවරයාගේ අපූර්ව මෙහෙයුම!

වෛද්‍ය ක්ෂේත්‍රයේ අතිශය දුර්ලභ මෙන්ම කුතුහලය දනවන පුවතක් ශ්‍රී ලංකාවෙන් වාර්තා වේ.

ලෝක ප්‍රකට සෞන්දර්යාත්මක ශල්‍යකර්ම (Cosmetic Surgery) පිළිබඳ විශේෂ උනන්දුවක් දක්වන ශ්‍රී ලාංකික විශේෂඥ ශල්‍ය වෛද්‍ය ආනන්ද ජයවර්ධන මහතා විසින් අතිශය සංකීර්ණ සහ සුවිශේෂී වෛද්‍ය පරීක්ෂණාත්මක මෙහෙයුමක් සාර්ථකව සිදු කර ඇත. ඒ වෙනකෙකුට නොව, තමන්ගේම උදරයේ ඇති අතිරික්ත තෙල් තමන් විසින්ම ඉවත් කර (Self-abdominal liposuction), එම තෙල් කොටස් සිය මුහුණටම බද්ධ කිරීමේ (Facial fat grafting) ශල්‍යකර්මයයි.

වෛද්‍යවරයෙකු විසින් තමන්ටම මෙවැනි සංකීර්ණ ශල්‍යකර්මයක් සිදු කර ගැනීම අතිශය දුර්ලභ, අසාමාන්‍ය සහ කැපී පෙනෙන ජයග්‍රහණයක් ලෙස සැලකේ.

මෙම සුවිශේෂී තාක්ෂණික සහ වෛද්‍යමය ජයග්‍රහණය වෙනුවෙන් ගිනස් ලෝක වාර්තාවක් (Guinness World Records) ලබා ගැනීමට ඉල්ලුම් කර තිබුණි. කෙසේ වෙතත්, මෙය අතිශය අධික අවදානමක් සහිත (High-risk procedure) වෛද්‍ය ක්‍රියාවලියක් ලෙස සලකා, ගිනස් වාර්තා සංවිධානය විසින් මෙම ඉල්ලීම ප්‍රතික්ෂේප කර ඇත.

ගිනස් වාර්තාව හිමි නොවුවද, සෞන්දර්යාත්මක ශල්‍ය වෛද්‍ය ක්ෂේත්‍රය තුළ තමන්ගේම සිරුර යොදාගනිමින් කරන ලද මෙම අද්විතීය පරීක්ෂණය, ලෝක වෛද්‍ය ඉතිහාසයේ කැපී පෙනෙන සහ අතිශය දුර්ලභ සිදුවීමක් ලෙස වෛද්‍ය ක්ෂේත්‍රයේ දැඩි අවධානයට ලක්ව තිබේ.